segunda-feira, 23 de maio de 2011

Comunicado de Mugardos na esquerda logo do noso debut electoral

Facendo un balance do noso traballo, sabiamos que era case imposible sacar representación en só 20 días desde que nos demos a coñecer. Lembremos que nos presentamos publicamente o dia 1 de maio e o 22 foron as elecións. Como xa avisáramos, para nós as elecións municipais de 2011 só foron a pre-campaña do noso traballo enfocado ás elecións de 2015. Como afirmamos nun comunicado feito público antes das elecións: “Vimos para ficar; independentemente do resultado das elecións seguiremos traballando porque temos visión estratéxica e a longo prazo”.

Estamos moi contentos do resultado. Non esperabamos un resultado mellor que o 5% dos votos que obtivemos, igualando en algunhas mesas os resultados de partidos estatais consolidados (acadando resultados similares que PSOE e que IU) como foi o caso do Seixo.

Agora estaremos presentes na vida municipal estes catro anos e saberedes de nós porque imos estar preparando o programa falando coa veciñanza para recoller as súas aportacións, e facendo oposición construtiva dende a rúa, levando o que é prioritario para a veciñanza ao concello e informándovos do que fan e do que incumpren. De momento deixámosvos aquí os nosos obxectivos para estes vindeiros catro anos:

Obxectivos de Mugardos na esquerda de cara ás elecións municipais 2015

1. Estar presentes nos plenos. Unha vez que teñamos feito este traballo, saberemos o que se trata e o que non e poderemos facer oposición desde xa.

2. Realizar charlas informativas relacionadas co concello sobre temáticas nas que a veciñanza estea interesada (transporte, urbanismo, emprego, orzamentos participativos, etc).

3. Editar unha folla informativa sobre o que se fai e o que non no concello a colar en lugares céntricos de cada lugar. É evidente que coma sempre os partidos tradicionais non van cumprir nen a metade do seu programa electoral e iso o ten que saber a veciñanza.

4. Contactar coa veciñanza de Mugardos que poida estar interesada en formar parte do proxecto para incluíla e sumala á alternativa.

5. Reunirnos co tecido asociativo de Mugardos e recoller as suas inquedanzas para levalas ao concello e ao noso programa.

Moitas gracias a todas as persoas que confiaron en nós e prometémosvos que nas próximas estaremos de novo para levar a voz do povo ao concello.

Unha aperta do grupo de veciñas e veciños que estamos a levar adiante esta iniciativa.

PROPOSTAS PARA MEHÁ DE MUGARDOS NA ESQUERDA

Propostas para Mehá de Mugardos na esquerda

· Na nosa parroquia a maioría dos camiños asfaltados existentes carecen do obrigado arzén ou acera propomos a habilitación, polo menos nun lado destas vías dun paseo amplo, nunha actuación respetuosa co medio, nos seguintes camiños:
- Nos Casás, do arzén que vai de Novás até o cruzamento coa estrada que sobe da Areosa.
- Nas Fieteiras, no camiño que vai do Rueiro e do Serrón até o cruzamento coa Pedreira.
- Na Rua Curros Enríquez até confluir coa Xesteira (¨Travesia da academia¨).
- A mesma medida no camiño que funciona de estrada, da rotonda de Rilo, desde Novás, pasa pola Pedreira e vai até S. Vicente na Xesteira.
- Da rotonda da Barca até o Pazo de Rilo.
Nestes camiños indicados, que non funcionan como estradas, limitación da velocidade a un máximo de 30 Km|h, tendo en conta a existencia das vivendas, da escola, do parque da Rega e a concorrencia de persoas a camiñar.

· Creación dun novo sendeiro: Os Casás até A Rega, da Rega á Seaña e da Seaña ao Alto de Simou. Esta arzén, por ser un camiño concorrido, deberíase pechar ao tránsito rodado (salvo para a entrada e saída dos habitantes destes lugares) creando e sinalando un roteiro pedestre moi interesante e tranquilo.

· Reordenación do sentido do tráfico e arzén de estacionamento na Pedreira e Prión. En xeral, esta mellora pretende un mellor aceso ás vivendas da Pedreira, como tamén aos Campos de Futebol da Pedreira.

· Mellora e adecuación dos acesos do final da autovía que sobe até a Pedreira. Reordenación do tráfico.

· Sinalización clara do Campo da Pedreira non só como complexo deportivo, senon tamén como sede do Galicia de Mugardos. Idem, da Asociación de Veciños Cruceiro de Meá (tal e como se fai no Concello de Fene onde son sinalizadas as sedes das entidades culturais e vizinais).

· Soterramentos das liñas de alta tensión e eléctricas, a comezar polas que estean a menos de cinco metros das vivendas.

· Metalúrxica del Atlántico (antiga Cachaza): Estas instalacións pódense reutilizar através dun convenio ben para usos como novo pavillón deportivo; e/ou como nova sede escolar infantil polas necesidades de prazas que ten o Concello.

· Dotación completa de contentores de lixo que permitan a recolla selectiva do lixo: vidro, papel e cartón, aceites e óleos, e non unicamente contentores para orgánicos e plástico nos seguintes lugares: nos Casás; no Rueiro-Serrón; na arzén compreendida entre a escola Loyola e os novos apartamentos da chamada Travesa da Academia-Xesteira; na Barca e na Pedreira.

· Soterramentos dos Contentores dos Catro Camiños, pois está a escola ao lado, e en xeral, fazer a recolla do contido destes contentores cada dez dias, pois ás vezes este arzén parece un vertedeiro.

· Retirada da antena telefónica da Xesteira, a menos de vinte metros da escola Loyola, na Rua Curros Enríquez.

domingo, 22 de maio de 2011

Mugardos na Esquerda: traballo na rúa


Algunha persoas de Mugardos na Esquerda desenvolveron este Domingo, novamente, traballo de rúa polo Concello. Espallar as nosas propostas e ideias e tomar boa nota das inquedanzas dos viciños e viciñas, nun constante diálogo e debate, é tarefa de diário que se repite estes dias polas distintas parróquias mugardesas.

2. Emprego, economia e xustiza social

Da alternativa galega de esquerda Mugardos na Esquerda defendemos a transformación profunda da actual orde social e económica como única via para rematar coas desigualdades xeradas por un sistema capitalista a cada máis agresivo, que precisa que a maior parte do mundo siga imersa na pobreza para manter grandes acumulacións de capital en maos dumha minoria. Simultaneamente, as desigualdades de xénero, a discriminación por lugar de procedéncia, a invisibilización das e dos nosos maiores, a precariedade laboral da xente xovem, etc. nascen ou foméntanse sobre o garda-chuva da desigualdade económica coa promoción do individualismo e a competitividade e contra a solidariedade e a cooperación no seio da comunidade.

Estamos cientes de que esta desigualdade latente non se pode solucionar desde o ámbito municipal porque responde a fatores estruturais. Contodo, achamos que son necesárias políticas municipais honestas e comprometidas que tendan a posibilitar o desaparecimento das causas da desigualdade e evitar a redución da política à aplicación de paliativos e remédios parciais aos seus efeitos. A partir do noso Concello é necesário promover verdadeiras políticas públicas de transformación para conseguir a extenson do conceito de democracia, non só na esfera dos direitos civis e políticos, mas tamén canto às relacións sociais e à vida económica. É necesária umha acción coletiva de transformación que remate coa actual mercantilización social para garantir o recoñecimento de direitos à cidadania e o aceso universal aos bens e servizos da comunidade.

Con esta perspectiva social, é hora de que o Concello sexa peza activa na mudanza do actual sistema neoliberal baseado no máximo gaño a conta dos direitos das persoas. A Alternativa galega de esquerda aposta nun modelo que fomente a participación cidadá en contraposición co ideário neoliberal que cede o espazo urbano e social ao mercado, en detrimento dos servizos públicos. Fai falta retomar a noción auténtica de cidadania como suxeitos activos e activas de direitos e deveres para a sociedade. Urxe procurar solucións transformadoras, isto é, programas universais de bem-estar social, tributación progresiva, políticas macro-económicas para criar condicións de plena ocupación, un sector público sólido e umha proporción significativa de propriedade pública ou coletiva. Agora ben, umha verdadeira transformación positiva pasa non só pola mudanza das estruturas mais tamén das relacións humanas baseadas numha ética xusta que promova a reciprocidade no concello e a solidariedade, através do recoñecimento do outro e da pluralidade de suxeitos e xéneros.

Neste sentido fai falta superar a actual concepción empregada polas sucesivos governos municipais que reduz a cidadania e os seus direitos a simples usuários de servizos persoais, baseando a acción municipal no asistencialismo face determinados coletivos en vez de encarar o repto de garantir a igualdade efetiva entre os cidadáns e cidadás, deixando de tratar-nos como utentes ou persoas tratadas, para situar a cidadania como suxeito de direitos para alén da sua idade, clase social, xénero e procedéncia.

As terras de Mugardos organízanse economicamente arredor do comércio, servizos, a indústria, a construción e os transportes, como sectores máis expansivos; a situación da cada sector é muito diferente, se ben o comun denominador é que están inseridos dentro do proceso de globalización capitalista que determina umha re-estruturación produtiva que pasa pola perda de lugares de traballo nos sectores industriais tradicionais ou intensivos, ao mesmo tempo que aumenta o peso específico do sector terciário adiantado, de carácter tecnolóxico. Apesar disto, no ámbito municipal dificilmente se pode combater este proceso de reestruturación económica global, o concello ten de ser umha ferramenta complementar a umha política económica orientada à xustiza social.

2.1. Emprego: O concello como elemento xerador de emprego

O noso concello posue enorme riqueza que temos que por en valor e sacarlle a rentabilidade que nos permita ter umha boa calidade de vida sempre respeitando o médio do que fazemos parte. non queremos que outros se aproveiten dos recursos do povo para o benefício persoal ou de determinadas empresas. O concello ten que ter a xestión dos bens e recursos municipais para que redunden en benefício de todos/as.

A riqueza e bem-estar dos veciños non poden depender das esmolas das empresas privadas que veñen ao concello a se enriquecer à nosa conta. Temos que recuperar o Concello como elemento de creación de riqueza, xerador de postos de traballo de qualidade e fomento do asociacionismo produtivo.

As medidas da burocracia ao servizo do capital nos governos central e autonómico pasan por limitar drásticamente o xa decrescente e paupérrimo estado de benestar; o estado e as autonomias cada vez pintan menos, polo que irá minguando o seu escaso papel regulador na economia; a democracia burguesa actual pasará de baixa intensidade a ínfima, perante isto cumpre saber como actuar e o que facer desde o noso concello.

Non podemos consentir a privatización dos servizos públicos nen a sub-contratación de servizos municipais. Os servizos básicos como o subministro da água, recolla de lixo, obras menores, ensino, saúde cultura, deven manter ou recuperar o seu caráter municipal. Aqueles novos servizos que se fosen criando, como a nova piscina, deven ter umha explotación e xestión municipal.

Non podemos consentir, igualmente, o corte contínuo das axudas e ingresos provenientes doutras administracións (galega e española, principalmente), que coa falsa escusa de que non hai diñeiro, están a empobrecer os concellos, e seus traballadores/as, que xa albiscan un novo corte de salários que é totalmente inaceitável. Diñeiro hai, mais vai para os bancos e para o negócio da guerra.

Portanto, temos que superar a mentalide tradicional de que o concello non ten capacidade para xerar emprego. Devemos evitar que o governo municipal tente atrair a empresa privada como único xeito de xerar emprego. Este proceder só beneficia as empresas e non ten en conta as consecuencias negativas que esas empresas poderian causar ao médio e à saúde das persoas. Temos que acreditar na posibilidade de criar emprego digno por parte da Concello, ben directamente ou através do pulo e organización dos recursos próprios.

Achamos logo que dun concello pequeno se pode dar exemplo neste difícil contexto con medidas de grande eficácia para repartir a riqueza, máis concentrada e fácil de atallar; reduzindo a miséria que se espalla, criando emprego digno, e devolvendo o preciso e precioso tempo vital à xente. E isto feito, sobretodo, comprovando que a instituición municipal vai funcionar dumha maneira áxil, útil e necesária para toda a veciñanza.

Do noso movimento entendemos por traballo aquel tempo investido na realización de labores socialmente necesários. Neste senso, trata-se de revirar o sentido actual do mesmo na sociedade capitalista e de consumo, onde parece que as persoas nascen e viven para traballar e para consumir, e non pra viver. O capitalismo tense apropriado do tempo das persoas, rouba moito tempo empregado polos traballadores/as para se apropriar do enorme valor criado neste tempo, esta riqueza criada fica pra uns poucos privilexiados, que gañan muito diñeiro a custa de escravizar as persoas roubando o seu valioso tempo.

Temos que devolver este tempo de vida às persoas, as persoas teñen que ter tempo real para vivir para eles mesmos/as, para a sua familia e amizades, e non para ser escravos e escravas a traballar para o capital. A existéncia humana é todo o contrário a servidume e alienación, non se pode tolerar a exploración duns seres humanos sobre outros. non se pode tolerar este roubo xeneralizado da vida. Temos que ser conscientes dos durísimos tempos que correm, polo que todos e todas temos que colaborar.

Propostas Xerais :

- Recuperarmos os recursos dos bancos marisqueiros, tan importantes noutro tempo, vai ser outra das nosas prioridades.

- Creación dumha Comison impulsionadora de micro-empresas municipais.

- Creación e impulso dumha empresa pública e cooperativas de explotación agrogandeira- Florestal (Bancos de Terras).

- Creación e impulso dumha empresa pública e ou cooperativas de explotación marisqueira.

- Creación dumha rede de comércio xusto, e de troca de produtos agricolas, gandeiros e marisqueiros.

- Creación e impulso dumha empresa pública e cooperativas de coñecimento do medio e do património. (Cicloturismo cultural, Rotas marítimas e Museu marítimo da Redonda e Museu de Caldoval).

- Queremos promover o traballo das terras abandonadas; crear un mercado en rede de venda direta de productos agrícolas e gandeiros entre labregas/os e clientes a nivel local, comarcal e nacional, para que a xente saque rendemento ás súas leiras, potenciando así mesmo a agricultura ecolóxica.

- Impulsaremos unha empresa pública ou cooperativa de explotación agrícola-gandeira-forestal, unha horta escola e unha granxa escola municipal.

- Impulsaremos unha empresa pública ou cooperativa de explotación marisqueira. Queremos recuperar e conservar os bancos marisqueiros.

- Queremos crear unha empresa pública e cooperativas de coñecemento do medio e do patrimonio (Cicloturismo cultural, Rotas marítimas, Museo marítimo da Redonda e Museo de Caldoval).

- Recurriremos a provedores locais para todo tipo de produtos e servizos.

- Defenderemos o comercio polo miúdo e de proximidade. Fomentaremos o comercio local como cuestión vital non só de mantemento do emprego senón de creación.

- Creación das Novas Brigadas Municipais (e/ou mancomunadas con Ares e Fene), estas terán como función a limpeza e mantemento (acesos, mobiliário,...) das praias e ribeiras, dos montes e camiños, asi como dos xardins e hortas municipais, e do viveiro comarcal de árvores e arbustos de Bezoucos. Terán formación en xardinaxe, silvicultura, horticultura, reciclaxe, limpeza e tratamento do lixo e outras substáncias (óleos, petróleo no mar,...) e prevención de incéndios. Terán tamén como función a instalación, reparación e mantemento dos parques de xogos e lecer, e paseios marítimos e cunetas de camiñada. Como se van precisar criar bastantes postos de traballo, trata-se de dotar o município dun grupo preparado de veciños/as que traballen para o ben da comunidade.

Naturalmente, o ideal seria que estas Brigadas e outros servizos tivesen un funcionamento mancomunado cos outros Concellos cos que se linda na comarca de Bezoucos: Fene e Ares. Pois é, vai haver sempre cunetas a acondicionar que van lindar ben con Ares ou ben con Fene.

2.2.- Propostas de economia social

2.2.1. Medidas urxentes contra as deslocalizacións

- Compromiso municipal para liderar umha estratéxia industrial centrada no desenvolvimento endóxeno, isto é, xerar un tecido industrial local dinámico, baseado nas potencialidades próprias do território e as persoas e vinculado à Creación de ocupación de calidade. Mugardos non pode ser território suxeito à estratéxia unilateral do capital transnacional onde se implanten negócios volátis que hoxe están aqui e amañá desaparecen deixando un rastro de desocupación, evason fiscal e destruición do tecido social e económico.

- Fomentar a participación activa das organizacións sociais e sindicais capazes de identificar prioridades, potenciais e dificuldades nos diferentes ámbitos de decisión.

- O Concello de Mugardos só concederá axudas e cederá o uso de solo público a empresas que se instauren con compromiso de continuidade na actividade e sobre condicións laborais inalteráveis en prexuízo dos traballadores e traballadoras. O incumprimento do compromiso implicará indenizacións empresariais à corporación e ao cadro de traballadores suficientemente elevadas para xerar un efeito disuasório contra este tipo de práticas.

- Asunción por parte da corporación municipal dun papel ativo na defesa dos traballadores e traballadoras, tanto na defesa da permanéncia de actividades industriais susceptíveis de deslocalización como na proibición do encerramento e a deslocalización de empresas rendáveis. A corporación municipal deixará patente o apoio aos Comités de Empresa afectados e analisará e apoiará vias alternativas de continuación da actividade industrial que conten coa participación ativa das persoas traballadoras.

2.2.2. Apoio ao cooperativismo e a economia social

- Priorización de cooperativas e outras formas organizativas de economia social através da preferéncia na obtención de axudas, ceson de locais e subcontratación de servizos para o ente local.

- Publicidade gratuita nos meios de comunicación do Concello (web, revista, etc.) e presenza preferente en feiras, encontros, etc. organizadas pola corporación municipal.

- Accións para estimular o comércio xusto e o compromiso social do sector comércio.

- Promoción da Creación dumha Banca Comarcal que substitua a banca lucrativa tradicional, e que sirva para espallar o crescimento e o benestar da comunidade na nosa comarca.

2.2.3. Tecido comercial e mercados

• Articulación de medidas para preservar o tecido comercial e as feiras nos diferentes lugares de Mugardos frente à abertura de grandes superfícies comerciais con políticas de mercado agresivas e desrespeituosas cos direitos d@s consumidor@s e @s traballador@s.

- Potencializar os mercados municipais e o consumo de produtos frescos, preservando a calidade dos produtos, a permanéncia da relación de proximidade entre vendedor@s, consumidor@s e produtor@s, a permanéncia de condicións ótimas de traballo, condutas alimentares saudáveis e umha rede de mercados integrada nun modelo de concello compacta.

2.2.4. Compromiso coa estabilidade e os direitos dos traballadores e traballadoras

- Asinatura do compromiso pola estabilidade: liquidar a temporalidade na contratación do ente local, respeitar os direitos sócio-laborais como a revison salarial e o direito à promoción, activar mecanismos de discriminación positiva para as traballadoras, ampliar a acción social a que ten direito o persoal municipal, etc.

- Exixir o compromiso cos direitos dos traballadores e traballadoras às empresas às que se subcontraten servizos que non poda efectivar o Concello e às empresas às que se oferecen concesons ou concursos, exixindo como primeira condición a cumprir para se apresentar ao concurso ou licitación a asinatura do anterior compromiso.

- Creación dumha carteira de traballo para mozos, que con umha perspectiva social e sen ánimo de lucro poña en contacto os mozas e mozos con empresas que procuran persoal evitando asi a participación de intermediários (ETT) que extraen comisons do normalmente escaso salário xuvenil. Neste sentido, o Concello deve traballar para a erradicación das Empresas de Traballo Temporário no município.

- Aumentar a oferta e qualidade das ferramentas de asesoramento laboral aos e às mozas e mozos e facer umha difuson real.

- Fiscalización do direito a participar en elecións sindicais, dado que hoxe, se ben existe na teoria, é vulnerado sistematicamente na prática, imposibilitando que mozas e mozos con contratos temporários participen e defendan os seus direitos nas empresas.

2.2.5. Renda Básica

- A Renda Básica consiste no direito individual a perceber umha quantidade de recursos económicos que garantan a cobertura do mínimo digno para viver. Tratariase de a conceder a todos os veciños e veciñas residentes en Mugardos, de forma individual, universal e incondicional.

Con esta medida pretende-se a activación de mecanismos de intervención social realmente eficientes, frente às tentativas ensaiadas que son insuficientes, estigmatizadoras e vexatórias. A Renda Básica é verdadeiramente umha proposta orientada à restituición da dignidade persoal. Para isto, é preciso facermos a realización dun estudo completo e fiável para a implementación da Renda Básica en Mugardos que, a partir de analisar as fontes orzamentares e a posível refundición das prestacións hoxe existentes, elabore un programa de aceso à Renda Básica a comezar polos colectivos máis necesitados, para ir incorporando, na medida do posível e de forma progresiva, novos colectivos à sua percepción.

A implementación da Renda Básica na nosa vila significaria situar Mugardos na vangarda da procura decidida do benestar da cidadania, superando todas as vagas e difusas medidas feitas até agora, insuficientes e lexitimadoras da desigualdade social.

Coa implantación da Renda Básica estará-se a criar benestar, estabilidade e tamén riqueza, alén de eliminar os preconceitos clasistas do traballo remunerado como único traballo existente. Cando, naturalmente, consideramos todos os traballos como criadores de riqueza e non exclusivamente o traballo pago.

2.3. Políticas sociais municipais

2.3.1. Accións pola dignidade e a xustiza social

- Compromiso de non-privatización de servizos sociais e do mantimento dumhas condicións laborais dignas que garantan a estabilidade.

- Promoción de políticas de axudas obxectivas que oferezan as ferramentas necesárias (formación laboral, orientación, etc.) para alén dumha axuda de subsisténcia que non permite à persoa emancipar-se da precariedade. Asumir que as persoas son suxeitos de direitos que utilizan os servizos públicos, contando con a información dos procesos a seguir, incluído o sistema de reclamacións, ante as resolucións administrativas que executen decisons sobre o seu futuro familiar e persoal.

- Aposta nos planos integrais ou comunitários para incidir de maneira global sobre os problemas de toda a comunidade.

- Empréstimos de apoio às entidades sen ánimo de lucro, sen que isto implique relevar o Concello das suas responsabilidades. As entidades privadas deven ser complementares e non substitutórias do sistema básico de asisténcia social.

- Potencialización do traballo en rede entre persoas, entidades e servizos públicos que interveñen sobre os mesmos colectivos para garantir un apoio integral às persoas que o precisan. A actual caréncia de coordenación é consequéncia da fragmentación de servizos provocada pola privatización e a substituición competencial mencionada, que produzen caréncia de información entre servizos e, incluso, rivalidades entre estes en vez de traballar numha mesma dirección en benefício das persoas que precisan apoio.

2.3.2. Mellora dos servizos sociais municipais

- Consolidación das equipas de atención social primària con profisionais qualificados que entendan o traballo comunitário en equipa como única forma para abordar as problemáticas sociais. Aumento dos recursos económicos para que @s profisionais dos servizos sociais organizen o combate contra a excluson social.

- Aumento das dotacións dos servizos de atención domiciliária con suficiente dotación horária para poder dar boa atención à xente maior e famílias na vida cotidiana dos seus lares. A bonificación das taxas por prestación de servizos deve contribuir para garantir a universalidade do servizo.

- Exixéncia dos equipamentos sociais necesários, antecipando-se às necesidades emerxentes e de medio e longo prazo: centros de dia para xente maior, andares asistidos, lares residenciais de estadia temporária e permanente, centros abertos para infáncia en risco, casas de pequena infáncia, vivendas para urxéncias sociais, etc.

2.3.3. Plano de Acción Inter-xeneracional

- Elaborar un plano comunitário inter-xeracional de forma paritária con mozos, persoas maiores, e infáncia para activar mecanismos de coesón inter-xeracional.

- Actuacións pola promoción dos direitos da infáncia, a xuventude e as persoas maiores e do seu tempo de lecer non comercial en família (redución de horas de traballo dos pais e maes que prestan servizo ao Concello, recomendacións às empresas, etc.).

- Recuperación da rua como lugar habitual de relación e lecer de xente maior, mozas e mozos e infáncia, oferecendo apoio técnico de educador@s aos lugares, garantindo o aceso aos equipamentos desportivos, ludotecas, bibliotecas e equipamentos provisórios nas prazas e ruas para os lugares que ainda non se encontren equipados. Conversón das prazas un espazo de lecer e cultura, con programación na rua que permita reestruturar un espazo de encontro entre mozas e mozos e maiores e facilitar os trámites de utilización de espazos públicos.

- Programación cultural e de lecer conxunta entre xeracións mais con respeito aos espazos próprios de cada coletivo xeracional e compatível con umha axenda xoven comprometida social e politicamente.

2.3.4. Plano Local de Mocidade

- As políticas de mocidade deven construir-se sobre a participación real da mocidade e a garantia de autonomia, potencializando o dinamismo dos proxetos. As medidas que compreendan e o seu deseño deve ser participativo, dinámico e potencializador da autonomia, baseando-se na co-xeston e a co-responsabilización por parte d@s mozos.

- Mugardos deve dotar-se dun Plano Local de Xuventude, de carácter integral, que prevea e planifique o conxunto de necesidades sociais, económicas, educativas, políticas e culturais e de lecer das e dos mozos. Este plano deve incluir as propostas a seguir, sen significar umha simples lista de actuacións, mais umha rede de necesidades e solucións transversais que se defina sob a participación veciñal, empregando mecanismos que incorporen @s mozas e mozos organizad@s e non organizad@s. Este plano deve criar ferramentas para promover a emancipación da xuventude con o obxectivo de facer mais sinxelo e rápido o aceso e solucións para @s mozas e mozos e evitar ao máximo os trámites burocráticos.

- Axenda de actividades que procuren habilitar espazos críticos, de pensamento e acción social e politicamente comprometida coa esquerda. Fai falta ampliar o uso de todos os espazos e servizos a grupos de mozas e mozos non constituídos formalmente.

- Promoción dos espazos para mozas e mozos (publicidade, incluson na axenda cultural, facilidades para aceso a equipas informáticas, material de escritório, equipas audiovisuais, etc.) tanto de titularidade municipal como privada sempre e cando sexa un espazo cultural e lúdico aberto à admisión de toda a cidadania con independéncia do título xurídico con que se ocupa o espazo (arrendamento, ocupación de facto ou propriedade).

2.3.5. Xente maior. Atención às necesidades e recoñecimento social

Compreender a dependéncia é un dos principais reptos en termos de xustiza social. A mercantilización da sociedade galega fixo con que se privatizase esta cuestom: o mercado e a família son os dous axentes encarregados do cuidado da xente maior, dando por suposto que a cidadania está formada por famílias. A dependéncia tamén é responsabilidade do Estado se entendemos que a cidadania está formada por indivíduos. Neste senso:

- Reforzaremos o apoio domiciliário con servizos muncipalizados de necesidade básica como o suporte médico e alimentar, loxístico e de hixiene. Estes servizos terán persoal responsável e especializado de enfermaxe e/ou outros necesários.

- Reclamación da transferéncia de competéncias aos municípios en matéria de políticas para a xente maior. Mugardos está desbordada a nível de axuda social neste aspecto.

- Incremento dos servizos de asisténcia a este coletivo de persoas que con freqüéncia son as que padecen grandes problemas de axuda social. O índice de doenzas, perda de faculdades mentais ou físicas, redución drástica dos recursos económicos, perda dos compañeir@s de vida, abandono, etc. fan da xente maior un coletivo muito sensível e precisado de axuda social. con freqüéncia, ante a incapacidade da própria atención ou da colaboración familiar recorre-se às residéncias de terceira idade.

- Construción dun asilo municipal ou re-adecuación dun edifício para este fim, que garanta o coidado dos nosos maiores. Os idosos son a parte máis significativa, a máis humillada e afastada da nosa sociedade. A falta de meios, servizos e de família, moit@s idos@s precisan dun espazo no que podan viveren e seren atendidos con dignidade, no que podan desenvolveren a sua vida, e receberen visitas comodamente de calquer parente, amigo ou veciño.

- O Concello reclamará ante a Xunta da Galiza un aumento de vagas nas residéncias públicas actualmente desbordadas.

- Medidas contra o abandono da xente idosa estando cientes de que é umha realidade dramática para muitas persoas que chegan a vivir en condicións de auténtica miséria. Por exemplo, através de persoas que asistan e acompañen @s maiores que requeiran o servizo e traballadores familiares para colaborar e solucionar necesidades diárias.

- Substituir as colaboracións económicas por servizos directos, por exemplo, médic@s, asisténcia domiciliaria, enfermeir@s e praticantes e ofertar directamente este servizo sen ter de recorrer a servizos privados de maior custo.

- Accións de promoción da vellice como fonte de sabedoria, experiéncia e coñecimento histórico. Promoción de encontros e intercámbios de grupos da terceira idade.

- Promoción de políticas de dignificación e apoio social à xente maior que deve aplicar o sector público e se poden apoiar na experiéncia doutros axentes de dinamización social que traballan neste campo. A complementariedade non pode implicar subsidiariedade no servizo.

2.3.6. Políticas de xénero

É insuficiente manter un discurso politicamente correcto sobre a igualdade e os direitos das mulleres. Cumpre empreender políticas valentes e activas. Dumha banda, onde se fixan as prioridades reais dun governo de esquerda: os orzamentos municipais, para levar a termo políticas de xénero con maiúsculas. Doutra, con vontade política que articule desde a Concellaria da Muller directrices de traballo con vocación de permanéncia e transversalidade, deixando de chegar tarde à cita co compromiso pola emancipación das mulleres. Cumpre retomar a ideia de que “o persoal é político”.

- Duplicación da partida dedicada a políticas de xénero nos actuais orzamentos municipais de Mugardos.

- Descentralización dos pontos de información e atención às mulleres a todos os lugares da concello en vez de contar con un só.

- Realización dumha auditoria de xénero sobre a presenza feminina nos ámbitos sócio-laborais incluído o organigrama do Concello e empresas que se apresentan a concursos e licitacións para detectar a existéncia dun teito de vidro que imposibilita às mulleres chegar a lugares de dirección e pór en andamento medidas corretivas eficazes.

- Creación do “gabinete anti-Discriminación” na “Concellaria de Direitos Civis” que preste atención multidisciplinar (xurídica, psicolóxica, social, etc.) aos homes e mulleres que viven en situacións de discriminación por razón de xénero, orientación sexual, idade, discapacidade, étnia ou procedéncia.

- Mellora do seguimento de casos de violéncia contra as mulleres. Medidas simultáneas de reabilitación dos agresores e itinerários de inclusión social para as mulleres en situación de represión penal ou administrativa.

- Elaboración de estudos sobre a implantación da renda básica e a retribuición salarial baremada para amas de casa e viúvas, como alternativa à mentira da conciliación laboral e familiar que non é realmente posível e, cando se fai, recai nas costas dumha muller que renuncia a umha parte da sua vida.

- Entrega aos meios de comunicación públicos e privados dun livro de recomendacións de estilo sobre o trato respeitoso da imaxe e conceito das mulleres, denunciando a linguaxe sexista e os estereótipos.

- Foros de Mulleres en cada lugar onde as mulleres podan debater e achegar propostas de acción municipal, asemblearmente e co apoio técnico da Concellaria.

- Celebración do “I Congreso das Mulleres de Mugardos” que xere un primeiro espazo vertebrador da realidade da muller a nível local e comarcal.

- Potencialización da participación cidadá con redes de traballo colectivo que non se vexan anuladas pola administración, permitindo liberdade de acción e pensamento crítico autónomo.

2.3.7. Ensino público. Escolas de Formación Profesional e galescolas

- Cumpre umha aposta firme e decidida no ensino público e no seu papel de axente de regaleguización. Os concellos, apesar de ter escasas competéncias nesta matéria, poden dar apoio incondicional à escola pública, unindo-se ao corpo de docentes e AMPAs para reivindicar melloras nos centros. A Alternativa soberanista Mugardos na Esquerda aposta decididamente na escola pública e a sua mellora através dun incremento da dotación de recursos embora esta capacidade non sexa de competéncia local.

- Seguimento e avaliación polos órgaos locais do departamento de Educación e do Concello.

- O noso concello necesita un proxecto educativo de concello (PEC), que consiga incorporar tamén os sectores máis mozas e mozos de Mugardos no planeamento estratéxico da educación formal, non formal e informal, superando proxectos estéticos e no qual a responsabilidade e a participación sexan reais. Fomentar que os centros educativos compreendan conteúdos curriculares que sirvan para manteren as formas de vida tradicionais e o tecido económico existente na nosa comarca, que fomenten umha análise crítica da realidade que rodeia @ alun@ e xeren sinerxias de debate e participación no marco do centro. Cumpre asegurar a promoción do asociacionismo nos centros educativos, apoiando as iniciativas que surxan d@s alun@s con os servizos e infra-estruturas necesárias.

- Ampliación dos centros. Queremos que as escolas existentes e as novas que se pretenden criar teñan suficientes vagas para cubrir a demanda social. Pretende-se a escolarización plena de todos os nenos/as e rapazes/as mugardeses/as nas escolas do município máis cercanas da sua residéncia. Valorizará-se e compensará-se esta escolarización à hora de dar bolsas de estudos, a renda básica ou outras axudas (para obter vivenda, servizos sociais, etc).

- Creación de Novas Prazas e/ou dumha nova garderia e Escola Infantil que teña ao seu coidado os fillos e fillas do persoal municipal e/ou do persoal que traballa no Complexo Industrial de Ponta Promontoiro.

- Creación da Escola Popular de Silvicultura e Horticultura para ensinar a todos os veciños e veciñas todo o relativo co coidado, mantemento e reprodución de todo o tipo de plantas.

- Creación da Escola Popular de Carpintaria e Mariñaria con porto na Besta Ruza ou na ponta do Rato, onde se construan e reparen barcos tradicionais atlánticos, procurando a sua própria auto-suficiéncia, asi como se aprendan todos os labores imprescindíveis da mariñaria.

- Actualizar os critérios para pontuar as famílias pois obvian realidades como a das maes que traballan, famílias que traballan os dous membros, ou famílias en que só hai umha persoa proxenitora (maes solteiras, viúvas, separadas, etc.). Tamén é necesário acrescentar a pontuación pol@s xéme@s e outras realidades que soman dificuldades à hora de compartillar a vida laboral e familiar e que, portanto, deven ser prioritárias no aceso às ofertas de emprego públicas.

- Investir na educación das novas xeracións, especialmente nas primeiras etapas, que é quando se dá un desenvolvimento cognitivo maior. Fan falta orzamentos xenerosos neste aspecto, que nos permitan chegar a un sistema educativo desde os 4 meses, un sistema que sexa público, leigo, gratuito, de calidade e ao alcance da veciñanza.

- Implicación dos centros escolares na dinámica asociativa e cultural do município ao tempo que fazemos que entidades e administración se impliquen nos proxectos dos centros.

- Participación nos Consellos Municipais, organizacións e asociacións que velen por políticas educativas públicas e de qualidade.

- Instauración dos gabinetes municipais de escolarización para participar na distribuición de alun@s recén chegad@s nos centros.

- Procura de fórmulas de colaboración inter-administrativa para a gratuidade do material escolar nas escolas públicas.

2.3.8. Servizos sanitários e sócio-sanitários

- Impulsionar enquisas de satisfación relativas à rede de equipamentos sanitários presentes no município para dotar-se de elementos de presión perante a administración autonómica.

- Supléncia con recursos municipais de necesidades non cobertas (transporte adaptado, especializacións médicas, campañas sanitárias,etc.).

2.3.9. Solidariedade e cooperación internacional

- Cumpre promover a solidariedade dentro e fora. Do mesmo modo que se deve promover o compromiso dos cidadáns na defesa e a xeston dos seus direitos e servizos públicos, cumpre tamén a solidariedade e a cooperación cos povos que loitan dia a dia por umhas condicións dignas de vida e pola sua autodeterminación. Esta aposta deve-se concretar a nível de actuacións sobre o terreno e de sensibilización social. Neste senso, promoveremos no noso concello a Declaración de Município anti-belicista e anti-imperialista.

- Priorización dos proxectos que teñan por obxectivo estabelecer lazos de convivéncia e diálogo entre os diferentes povos, culturas e relixions.

- Consciencialización nas escolas e ámbitos de educación non formal sobre as actuais relacións de marxinalización entre países do centro do Sistema e os seus centros de decison a escala mundial e a ampla periferia que estes estabelecem.

- Difuson de iniciativas solidárias desenvolvidas desde as ONG dirixidas a combater a sustentabilidade dumha orde mundial inxusta e opresiva.

- Creación de vínculos cos povos onde existen conflitos armados e situacións de violación de direitos humanos (Palestina, Saara, etc.). Cumpre romper o isolamento destes povos ante a contínua violación dos direitos humanos da poboación civil, potencializando o coñecimento da situación para alén da vison estereotipada do conflito através de intercámbios de mozas e mozos de Mugardos cos de Palestina e Saara durante o verám, visitas de estudos e estadias de solidariedade.

2.3.10. Promoción do lecer e o deporte

- Impulsionar o deporte de base e traballar con nenas e nenos, mozas e mozos as práticas que promoven os valores da equipa, a complicidade, o esforzo e todos aqueles que converten o deporte nun espazo de enriquecimento coletivo.

- Compartir equipamento e prática deportiva, nenos, mozas e mozos e adultos aprenden d@s outr@s, relacionánse e amplian a sua rede social nun ámbito con un potencial altamente coesionador.

- Recuperación de camiños para a carreira a pé con marcas de distancias en km. Conservación destes por parte das brigadas municipais supervisando o seu mantemento mínimo umha vez cada trés meses eliminando as pedras e tapando os furados para evitar escordaduras.

- Creación de Parques Lúdicos de entretemento e convívio para a xente nova e non tan nova. Nas Lagoas, no Baño e no Seixo. Adaptación para estes usos do espazo habilitado nas Roibeiras. Deverán ser espazos ben amplos, con cunetas para prática desportivas variadas: futebol, basquete, ténis,... e cunetas amplas de xogos populares (chave, chave infantil adaptada para as crianzas, rá, petanca, billarda, bolos, …), parque de xogos infantis homologados (balouzos, casas, escorrregas, cordas, ...). Han ser locais protexidos do vento, con cuneta coberta por se chove ou peta moito o sol, o seu terreo estará adaptado ao xogo: areia, herba ou fibra (nada de cimento) e sobretodo, non van estar delimitados por estradas, dando a sensación de contínua intranquilidade e perigo, como de estar a xogar no interior dumha rotunda. Estas cunetas han estar ben sinalizadas e o tránsito rodado deverá limitar-se aos 30 Km/h en vez dos actuais 40 Km/h.

- Novo Pavillón Polideportivo de Mugardos. Se houver vontade política temos a posibilidade de ter umhas boas infra-estruturas deportivas se se chega a un acordo, se reutilizan e se readecuan as infra-estruturas de Talleres Cachaza (MdA) nos Catro Camiños.

- Oferecer apoio, recursos e axudas às entidades de lecer que manteñen as estruturas de voluntariado e/ou son exemplo de socialización colectiva baseada na entrega de tempo de lecer a espazos afastados do consumo e o control social. O apoio a estas entidades é prioritário nun momento en que o compromiso social se desvaloriza.

- Promover actividades desportivas e de lecer como meios de socialización entre persoas de diferente sexo, clase, orixe, idade, relixión, opinión e orientación sexual.

- Acabar coa precariedade d@s monitor@s desportivo@s contratad@s polo Concello, aplicando o compromiso pola estabilidade na contratación e dignificando as suas condicións laborais.

- Multiplicar os núcleos de actividade dispersos na concello sen deixar de organizar actos a nível municipal.

- Oferecer actividades de diferentes tipos de maneira regular e aumentar o número e a diversidade en épocas de férias con dinamizador@s especializad@s.

- No que respeta à nova Piscina municipal: A piscina municipal ten un prezo elevado en comparanza coa maioria de piscinas municipais galegas. A empresa Serviocio cobra na piscina de Mugardos máis que en moitas das piscinas que xestiona. Incluso moitas piscinas do país teñen tarifas da metade de prezo ofertando maiores servizos que a piscina de Mugardos. Temos que ter en conta que a piscina non conta con ximnasio como moitas das piscinas municipais. A piscina conta con sala de fitness (sala cardio-vascular) mais non con aparatos propios de ximnasio básicos para a preparación física deportiva. O concello teria que esixir a Serviocio tarifas inferiores para as pessoas empadroadas en Mugardos. Así mesmo, os horarios actuais son moi limitados; teria que ampliarse a franxa horaria para facilitar a asistencia. Compre tamén estabelecer convenios coas asociacións deportivas municipais (Galicia de Mugardos, Clube do Mar, etc) para que as e os deportistas federados pertencentes aos clubes do concello teñan entrada gratuíta en horario de menor asistencia; este tipo de convenio é habitual en moitas piscinas municipais. Por outra banda, o concello teria que garantir un salario e umhas condicións laborais dignas para as traballadoras e traballadores desta instalación e facer as xestións oportunas para que a medio prazo pasase a ser umha infraestrutura diretamente xestionada polo concello.

1. Defesa da terra: urbanismo, vivenda e medio ambiente

O direito a umha vivenda digna para todo o mundo é un dos eixos principais de traballo da Alternativa soberanista Mugardos na Esquerda como emerxente proposta no noso termo municipal. Entendemos que da defesa coerente do direito à vivenda deriva un urbanismo sustentável, non supeditado ao negócio das construtoras e dos promotores que fomentan un crescimento urbano desmesurado no seu benefício.

Este urbanismo insustentável significa un gasto en obras de carácter público (rede de sumidoiros, recolla de lixo, rede viária, rede de augas, etc.) que non se acompaña, normalmente, dun crecemento ordenado da poboación devido à existéncia de numerosas casas vacias no concello sen deixar de construir novas.

A situación actual en que se encontra a política urbanística na concello de Mugardos, baséase numha urbanización descontrolada que non atende às necesidades reais de vivenda, sen calquer critério de sustentabilidade enerxética, e nun modelo construtivo feo, concentrador de xente, e para nada harmónico cumha tipoloxia arquitetónica cultural galega como a da comarca de Bezoucos, que cumpre restaurar e pór en valor.

Da alternativa galega de esquerda Mugardos na Esquerda consideramos que o urbanismo non deve ser un negócio para o governo local, xa que isto xera un círculo vicioso social e ecoloxicamente insustentável. Defendemos un modelo de concello compacto, atlántico, diverso, onde cada umha das partes manteña un alto grau de complexidade, con mistura de actividades comerciais, industriais, gandeiras, de servizos, de equipamento e residencial e contraposto à Creación de cunetas con usos exclusivos (residencial, administrativo, comercial, etc.) que provocan a diminuición das relacións sociais, o uso abusivo do transporte privado, a existéncia de áreas esvaziadas a partir de determinadas horas e, sobretodo, a dificuldade para

compartillar a vida persoal e laboral especialmente no caso de cidadáns que teñen persoas dependentes a seu cargo.

As propostas da Alternativa soberanista galega Mugardos na esquerda en matéria urbanística fundaméntanse nos seguintes princípios xerais:

1. Promover un desenvolvimento urbanístico sustentável para Mugardos que se define pola utilización racional do território e do medio con modelos de solo que favorezan a coesión social e primen a reabilitación e renovación do solo urbano en vez da construción indiscriminada.

2. Participación da veciñanza nas mais-valias xeradas pola construción. Estas deven reverter no benefício común e utilizarse para a urbanización e construción dos sistemas (ruas, cunetas verdes e equipamentos), liberándoos de conceitos que non reverten n@s habitantes do noso concello.

3. Publicidade e participación social nos procesos de planeamento urbanístico: estabelecer mecanismos de participación popular no planeamento a médio dun plano de participación cidadá o máis plural e dialogante posível.

4. Defesa do direito a umha vivenda digna: estabelecer ferramentas para garantir a aplicación real deste direito para todas as e os cidadáns de Mugardos através da loita contra a especulación combinando políticas de solo e políticas sociais.

1.1. Propostas en matéria de urbanismo e vivenda

1.1.1. Defesa do direito a umha vivenda digna e loita contra a especulación

Modificar as distintas tendéncias fiscais actualizando o censo con regularidade e aplicando o imposto IBI con rigor ao tempo que se subsidia o imposto para a primeira residéncia. Defendemos un incremento substancial do IBI para as vivendas que non sexan de uso habitual. Entendemos que mentres hai xente que non pode aceder a umha vivenda, a propriedade de várias por parte dumha persoa é un luxo e un agravio comparativo que se deve gravar como tal. Polo que propomos a creación ou aumento de Impostos para aqueles que posuan segunda vivenda en Bezoucos, para @s que posuan carros tope de gama, para @s que teñan máis de dous carros por unidade familiar e que superen por renda os 40.000 euros anuais.

Mudar a política de subsídio à compra de vivenda pola de apoio às persoas con baixo poder aquisitivo para a obtención desta. Entendemos que fai falta promocionar tamén de maneira decidida as vivendas de aluguer a prezo subsidiado xa que, con o aluguer, o município continua tendo a propriedade, controla a xestión e manutención e pode fixar un sistema mais dinámico e rotatório.

Tender a aumentar a cantidade de solo público para que o município dispoña a fin de realizar infra-estruturas para a comunidade e para regular o prezo. Favorecer que a grande cantidade de solo público do noso concello, se destine a equipamentos e infra-estruturas, ben como para a construción de vivendas de rexime social para a veciñanza.

Mediar nos casos hipotéticos de ocupación de imóveis abandonados e reconvertidos en espazos de expreson artística, cultural ou formativa, abertos a todas as e os cidadáns, evitando as vias represivas policiais, xudiciais e governativas e fomentando o acordo e a protección da cultura.

Devemos quebrar a ligación existente de interese económico entre os promotores imobiliários e os municípios, que aos lucros dos primeiros fai corresponder para os Concellos, maiores ingresos por via da cobranza de impostos e derramas. Tal interese leva aos municípios, como aconteceu en Mugardos, a facilitaren para alén do admisível e do legal, a implantación no noso concello de mega estruturas sen os correspondentes estudos de impacto ambiental, urbanístico e social. Concomitantemente, e por esta via de facilitar a instalación de grandes empreendimentos, na prática resulta a existéncia de duas leis: umha para os pobres, máis restritiva (aplicación à letra do Planos de Ordenamento) e outra para os grandes intereses, máis favorável, correspondendo a excepcións con alteracións a medida do Plano de Ordenamento.

Neste senso, cumpre ainda referir que, estando a poboación concentrada no litoral, é aí que se estabelecen os servizos terciários, designadamente comerciais, que por esa via atraen novos residentes através da oferta de novos empregos, polo que se alimenta deste xeito non só o ciclo de desertificación do interior e de desequilíbrio na ocupación do território (tan sangrante na Galiza), mais tamén concentrando aí mais investimento por via dos impostos de incidéncia local.

1.1.2. Promoción das vivendas de protección oficial

Aumentar o número das vivendas de protección oficial para os coletivos socialmente desfavorecidos sen ir a novas construcións: propomos a reabilitación ou adquisición dos andares vacios xa existentes.

Impulsionar de maneira decidida as vivendas sociais destinadas às clases máis baixas que non poden chegar aos custos da vivenda de protección oficial.

Potencializar e promocionar un parque de vivendas de aluguer de baixo custo através da promoción pública.

1.1.3. Promocionar umha mobilidade sustentável

Consideramos que o que verdadeiramente fai falta é deseñar Mugardos a escala humana: localizar as vivendas, equipamentos, cunetas de servizos, de lecer e desportivas, espazos naturais ou cunetas verdes a distáncias axeitadas para seren acesíveis para toda a poboación, aproximar ao máximo estes espazos ao cidadán para evitar a mobilidade forzosa. Queremos un concello onde non faga falta utilizar o carro e onde podamos aceder a pé ou en transporte público por toda a parte.

Defender a Creación dumha rede de transporte público.

Creación dumha rede municipal de estacións cobertas de bicletas para o uso da veciñanza: a comezar na vila, no Seixo, en Ponta Promontoiro, na enseada do Baño e na Piscina Municipal.

Potencializar os itinerários para peons e bicicletas e os itinerários seguros aos coléxios para que as meninas e os meninos podan ir ao coléxio sós e, portanto, dotandoos de máis autonomia a eles e às suas nais e pais.

Dotar às escolas de estacionamentos cobertos e seguros para bicicletas.

1.1.4. un modelo de concello compacto

Apostar nun modelo de concello atlántico con unidade espacial de servizos, vivendas e actividades, que permita tipoloxias urbanas mais eficientes e fomente umha riqueza e diversidade maior nas relacións sociais e económicas. Adoptar umha densidade de poboación equilibrada e razoável sen promocionar, como fixo o actual governo municipal, a construción de edifícios altos e de tipo uni-familiar en determinadas cunetas segregadas de uso meramente residencial, porque isto só serve para lucrar-se os construtores (e os que dan a licenza), e porque achamos que esta tipoloxia construtiva é atentatória contra a nosa cultura, porque repercute negativamente nas relacións sociais, nun uso excesivo do transporte privado e porque destrue a nosa terra extendendo o concello para alén do necesário.

1.1.5. Mellora dos tecidos urbanos existentes

Pór a énfase da xestión urbana na reabilitación e recuperación de cunetas degradadas e a renovación de áreas obsoletas. Defendemos a reabilitación frente à nova construción, tendo en conta que a concello dispón dun elevado número de edifícios vacios en bon estado que agora só constituen buracos negros no médio do concello. Entendemos que desde a Concellaria non se ten de favorecer a especulación co solo e que se deve propor umha política séria de recuperación destes espazos no centro, que poden suprir boa parte da demanda de vivenda existente.

Desenvolver critérios de continuidade no crecimento e na evoluición dos trazados urbanos para evitar a formación de áreas socialmente segregadas devido ao alto ou baixo nível de renda dos seus residentes. Apostamos nun urbanismo como instrumento válido de política social, a partir de políticas de vivenda, de equipamentos sociais, culturais, deportivos, etc.

1.1.6. Medidas para o fomento da construción sustentável

Dotación obrigatória de subministración con enerxias renováveis en todas as novas construcións e reabilitacións. Dotación obrigatória de recolla seletiva do lixo e tratamento de resíduos orgánicos en todas as novas construcións e reabilitacións. Implementarám-se Axudas Municipais para estes dous obxectivos acima citados. Dotar as vivendas da veciñanza de fontes de enerxias renováveis e de médios para a recolla selectiva do lixo dentro das vivendas. As axudas serán non só económicas, senón que haverá persoal municipal específico para este labor que dará desde simples información e asesoramento, asi como observará a correcta instalación e seguimento das obras precisas e o seu mantemento por persoal cualificado. Trátase de crear umha nova dinámica municipal co fin de lograr a pasaxe das vivendas contaminantes a limpas. Ou sexa, irmos dependendo cada vez menos da produción de enerxias de carácter fósil e hipercontaminante como o carvón da Endesa e do gas da Reganosa.

No referido à enerxia, o obxectivo nesta lexislatura para estas casas é atinxir que mínimo de 40% da enerxia consumida por vivenda proceda de fontes limpas renováveis. Otimizar o ciclo da auga evitando o seu uso excesivo e controlando as perdas. Reduzir as emisons de CO2 e outras substáncias derivadas dun consumo enerxético ineficiente e dumhas vivendas con umha demanda enerxética excesiva. Potencializar a introdución de enerxias renováveis.

Dotación de Colectores de recolla Selectiva do Lixo en máis cunetas do município (Os Casás, Urbanizacións de Obaño, Urbanización da Rua Curros Enríquez, na entrada das Casas Baratas da estrada xeral (rua Contramestre Casado), e en xeral, diante de todas as novas vivendas de recente construción): Alén do colector de lixo orgánico, nestas cunetas terá de haver sempre colectores de Plástico, Papel, Vidro, Azeite e Baterias/Pillas). A recolla destes terá que ser máis frequente, para que non se den casos como nos Catro camiños, ao lado da escola, onde ás vezes parece un vertedoiro incontrolado. Aqui o ideal seria o soterramento dos contentores como se fixo noutras cunetas.

Dotación de Subministración con enerxias renováveis en todas as instalacións municipais: Casa do concello, Biblioteca, Casa do reloxo, Casa do Mar, Centro Zárate, … (através de placas solares, muiños ou tubaxe xeo-térmica) conseguir progresivamente que polo menos nesta lexislatura 50% do consumo de enerxia destas instalacións proveña de fontes limpas.

Dotación ou Creación dun edifício municipal 100% ecolóxico, implantando sistemas solares e xeotérmicos para o seu mantemento enerxético, con sistemas limpos de tratamento da auga e do lixo, con emprego de materiais limpos, reciclados e recicláveis.

Utilización de material de baixo impacto ambiental na sua produción.

1.1.7. Defesa do tecido rural

Defensa do rural de Mugardos como parte esencial da concello, parando calquer trazado que lle afecte ou agrida e criando medidas que muden a actual situación de degradación progresiva que padece. Defendemos que a construción de infraestruturas se ten que analisar e estudar coa participación directa da sua comunidade e os sectores sociais e culturais do território. Para favorecer a continuidade nos usos tradicionais do território é imprescindível tentar facilitar às fillas e fillos dos que habitan aqui a posibilidade de construir umha vivenda dentro deste tecido, como umha fórmula de singularidade que faria falta incluir nas leis correspondentes.

1.1.8. Adaptación do concello en infra-estruturas e servizos

Adaptar o urbanismo às necesidades da cidadania trazendo sempre en conta a variante de xénero e os direitos das persoas con mobilidade reduzida: mellora de infra-estruturas (paraxes de autocar, ampliación de paseios, fraldários e cunetas de lactáncia materna, equipamentos adaptados como os sanitários públicos, eliminación de pontos de risco do espazo público como barreiras arquitectónicas, obras mal sinalizadas, etc).

- Construción dun forno crematório: Para muitos dos nosos concidadás, a cremación é ainda umha opción dificilmente concretizável. Construción dun forno crematório asociado aos cemitérios do município.

1.2. Propostas en medio ambiente e sustentabilidade

1.2.1. Modelo enerxético sustentável e Reganosa

Non é correcto afirmar que o gás natural é umha enerxia limpa, como moitas veces se asegura desde as empresas enerxéticas ou instituicións. A sua extracción e consumo xera contaminación atmosférica e contribue ao aquecimento global. As alternativas sustentáveis son a suficiéncia, a eficiéncia e as enerxias renováveis, non o gás natural.

Para abastecer as novas centrais, construiu-se no noso Concello, apesar dumha forte oposición social, a regasificadora de Reganosa. Esta planta conleva un elevado impacto ambiental e riscos inaceitáveis para a seguranza das veciñas e veciños de Mugardos e das poboacións próximas. Reganosa mesmo non cumpre as normativas europeas en matéria de distáncias de seguranza a nucleos habitados para este tipo de instalacións. O dano produzido na nosa comarca coa planta de gás, e sobretodo na nosa Ria é irreparável.

A produción, a transformación e o consumo de enerxia na Galiza, da forma en que hoxe se efectuam, conlevan importantes custos económicos, sociais e ambientais, non só para a Galiza, senón tamén para outros países e a escala global. Ademais, parte do prezo do nosso sobre-consumo de enerxia e da nosa forte dependéncia dos combustíveis fóseis será pago pelas xeracións futuras.

Con enerxias renováveis é posível cobrir a demanda galega de enerxia, e en muito menos tempo do que a miúdo se pensa, se facermos todo o posível para que sexa asi canto antes. O que é preciso facer? Basicamente trés cousas: decrecer o consumo de enerxia, orientar máis o sector enerxético galego para o auto-abastecimento e despregar as enerxias renováveis. En particular, o impulso da enerxia solar (térmica, foto-voltaica, termo-elétrica) deveria ser obxeto da máxima prioridade. Galiza presenta un potencial alto para a enerxia solar, contrariamente ao que se pode pensar.

É da maior importáncia impulsionar umha reconversión ecolóxica do transporte, sector crucial do ponto de vista da sustentabilidade. A xeston da demanda, é dicir, a redución das necesidades de deslocamento que pode ser conseguido através dun adecuado ordenamento do território-, xuntamente con a inversión na hierarquia dos modos de transporte colocando o carro en derradeiro lugar e favorecendo os meios de transporte públicos e partillados.

1.2.2. Política forestal

- Creación dun Viveiro Comarcal de Árvores e Arbustos de Froito e autóctonos que dote aos parques, xardins e montes da comarca do material suficiente para repovoar estas cunetas, permitindo o mantemento de espécies que están en perigo de desaparecimento. Estará atendido por persoal das Brigadas Municipais competentes en silvicultura e horticultura.

- Catalogación daquelas árvores e outras plantas singulares que pola sua peculiaridade, rareza, idade, etc. sexan bens a preservar no noso Município e comarca.

- Protección imediata das poucas concentracións de masas arbóreas autóctones do noso município. Clasificación dos carvallos que hai no monte Piñeiro, por riba do pazo que dá a estrada do Lodairo.

- Creación dun corredor florestal verde entre A Palma e O Segaño. Iniciativa a mancomunar con Ares: Na ladeira entre a estrada e o mar plantar arbustos e árvores de froito (arandos, amoras, érbedos, framboesas, figueiras, abruñeiros, ameixeiras,...). Podendo criar-se deste xeito umha posível indústria de produtos elaborados artesanalmente a base do fruto destes. Na aba entre a estrada e Montefaro plantar árvores preferentemente autóctones: castiñeiros, bidueiros, carvallos, loureiros, estripeiros,..), e ir arrancando progresivamente, co control preciso, todas as plantas invasoras: eucaliptos, acácias e robínias, ou plantas como o carrizo da pampa ou oarundo,... tendo coidado onde houver niños de páxaros ou tocas de animais nas raízes. Na nosa mente está protexermos e recuperarmos este singular espazo para a nosa flora e fauna, alén de o tornar ainda máis bonito e espetacular, con árvores e arbustos nosos, porque sabemos que o noso património ecolóxico e cultural é ben bonito. Queremos criar umha senda preparada e apta para o paseo tranquilo da Redonda até o Segaño ou até Montefaro baixo a sombra de carvallos e bidueiros, rodeados de arandos, amoras e abruños, de flores de todas as cores e bebendo a brisa mariña da nosa preciosa ria.

- Medidas para frear a monocultivo do Eucalipto: É preciso pór freo à monocultura de eucaliptos por ser umha espécie invasiva na Galiza, con comportamento anti-ecolóxico, desertificador e resecador de rios e regatos, destruición das capas freáticas da terra, etc. Neste senso, propomos a delimitación e extracción de todas as plantas invasoras, sobretodo o eucalipto, que estiveren a menos de 50 metros de rios e regatos; de mananciais, fontes e lavadoiros; de camiños e estradas; de praias e beira-mar, sobretodo dos bancos marisqueiros; de liñas férreas, de liñas elétricas e gasodutos. en resumo: a monocultura do deserto verde representa umha das máis claras agresións ao medio natural galego. Devemos restaurar a vexetación autóctona por se tratar de espécies adaptadas ao noso clima, ao solo e à paisaxe e que ademais en vez de a sugar, reteñen a auga e a humidade.

1.2.3 Camiños e Sendeiros

Os camiños están para andalos. Reabilitación dos camiños e sinalización de Cunetas de Camiñada de Bezoucos. Todos estarán devidamente balizados e sinalizados, os máis salientáveis con panéis didáticos explicativos, e estarán limpos e mantidos polas Brigadas Municipais mínimos cada tres meses. O Concello de Mugardos dispón dumha rede de camiños moi interesantes, que cumpre por en valor, non só restaurando e limpando, senón sinalizando e tentando tornar acesível sempre con respeito ao medio, e sempre que for posível, aqueles trozos que foren de pasaxe difícil ou perigosa para as persoas camiñantes. Temos que lembrar que os camiños son primeiro pra andár a pé, pólo que o peón ten sempre prioridade sobre o veículo, motorizado ou non.

Creación e sinalización nos rios do concello do Novo Roteiro dos muiños e roteiro dos lavadoiros.

A racionalidade e funcionalidade que tiñan os camiños no noso país estase degradando en función dos novos usos dos veículos motorizados. Hai vozes que reclaman o asfaltado de todos os camiños, pois todo deve ser transitável en veículo, alguns mesmo protestan se estes son estreitos e non se poden cruzar dous carros...

Umha persoa de fora ou urbanita non pode entender que un camiño polo que circula ten dous sentidos amplos, cuneta de estacionamento, paseios aos dous lados, e de repente: chega a umha cuneta na que se estreito todo, sendo imposível circular nos dous sentidos; hai carros estacionados despois dumha curva, hai un muro no que antes era un sentido... e non percebe nada destas cousas tan galegas (e non só no ámbito rural), maquinando solucións a pilotar un bull-dozer.

Porén, o que é estreito é esta mentalidade, urbanita (e española), que teñen moitos cargos eleitos, mesmo nacionalistas. Para estes todo se soluciona en función da (dupla) circulación dos carros e non das persoas: ampliando estradas, fazendo rotundas (que devian batizar co non e dos concelleiros de turno) e deitando abaixo muros e casas se hai que fazé-lo (as árvores non importan), e gastando o diñeiro de todos e todas en expropriacións moi mal pagadas, deixando indefensos aos veciños, e até con estradas por diante da porta das casas (como fixéron en Franza).

As persoas e os paseios para andaren a pé non importa. Como exemplo disto podemos pensar no percurso de Rilo até Os Casás, ou indo do Baño cara o Cristo pasando pola igrexa e cemitério de S. Xoán. Nestes dous trozos citados non se vai ampliar nen deitar nada abaixo. Nos Casás mesmo alguén pretendia por multas aos carros estacionados pois non pasavan os camións que transportavan as pás dos muiños eólicos!!!, o que demonstrou umha grande falta de cordura cando non estupidez de quen tivo esa ¨brillante¨ idea. (Neste senso, criticamos abertamente a insensata ― e corrupta ― mega-ampliación da fábrica metalúrxica de Cachaza (MdA) nesa cuneta, en vez de levar esta e outras fábricas ao polígono de Vilar do Colo).

Eis a nosa proposta: non se ampliarán máis camiños en función do tránsito motorizado, onde hai cinco metros non se van facer doze. Propomos para todos os camiños que son transitados por persoas e carros, e que dan aceso a garaxes, a construción dun paseio ben largo (polo menos nun lateral do camiño) para as persoas poderen camiñar sen problemas, e posibilitando os carros poderen entrar nas vivendas.

No noso Concello non haverá camiños ou estradas sen paseo para os e as peons. Neste senso, a reclamación de beira-ruas polos veciños de S.Xoán de Piñeiro é ben coñecida e urxente é cumprirmos con esta demanda.

Outra necesidade urxentísima é construir paseios no Apelón: dos Corzás até a cuneta do Centro de Saúde, Escola Infantil e o Mercado. Neste caótico trozo precisa-se umha ordenación exemplar: hai que soterrar as liñas elétricas, construir cunetas de paseo amplas e cunetas de estacionamento para espera na escola e centro médico, e reparar a estrada.

Estudara-se a posibilidade de cortar o tránsito ou a limitación da velocidade nestes camiños a un máximo de 30 Km/h. Ben, fica subliñado logo que na prioridade construtiva, o primeiro é solucionarmos a pasaxe prioritária das persoas, e despois está a pasaxe dos veículos. Para o tránsito dos veículos precisa-se simplesmente que o camiño ou estrada tiver un bon firme para poder circular sen problemas.

Somos contra de asfaltar por asfaltar, pois achamos esta prática perniciosa para a natureza, polo que se o camiño non estiver asfaltado, non se deve asfaltar (como alguns reclaman por exemplo para o camiño da Palma até o Segaño). Neste senso, en Mugardos estudarase a posibilidade de impedir a circulación de veículos naqueles camiños que polas suas funcións e caraterísticas naturais merezan ser preservados para os e as camiñantes (como pode ser o que vai de Simou até Os Galgos, ou o citado da Palma ao Segaño,...). Pasarán unicamente os veículos das persoas residentes, ou aqueles que foren facer traballos nesas cunetas. Naqueles camiños, como por exemplo o do Serrón (ainda que sobran exemplos neste senso), nun antigo rueiro, fíxose umha estrada nos dous sentidos, trozos con cuneta de estacionamento para os carros e sen paseo contínuo para os peóns,... un despropósito feito ao revés das prioridades naturais. A solución natural proposta para estes casos é ampliar os paseios e circular nun só sentido. Esta mesma solución haveria que a aplicar na estrada que vai do Cristo até S.Xoan e acaba no Baño, que seria nese único sentido.

Tamén dicimos que os habitantes destas cunetas teñen direito a estacionaren o seu carro diante das suas casas, mais dumha maneira ordenada e sempre tendo en conta a prioridade da existéncia dun paseio mínimo de dous metros para os peons, a ser posível en cada beira, e que houver máis cinco metros de mínimo para estacionar e se poder circular nun único sentido como mínimo sen problemas. Da mesma maneira que non haverá impedimentos para os camiñantes andaren sen problema, non devia haver veículos estacionados que invadan a estrada e impidan a circulación normal, como acontece moitas vezes na estrada que sobe da rotunda de Rilo para os Casás... Nos trozos onde non for posível a circulación motorizada nun só sentido, que deverán posuir obrigatoriamente cuneta de paseio para peóns, umha alternativa pode ser semaforizar, ainda que pode haver outras.

Resumindo: os camiños son primeiro para os peóns, hai que facer camiño andando, despois, ven o espazo para os veículos. Nunca ao contrário.

1.2.3. Áreas de interese natural

Fomentar que o término municipal sexa declarado Cuneta Florestal. Creación dun rexisto de Áreas de Intervención Ambiental e promoción do seu uso social e conservación.

1.2.4 Outras medidas ambientais

- Creación dumha Eco-Taxa Municipal para as empresas contaminantes que traballan en Ponta Promontoiro. Esta servirá para manter os novos postos de traballo comunitários criados (que devian ser máis do que os existentes neste Complexo). A conxuntural existéncia destas empresas tóxicas ten de servir, non para o engorde dumha minoria: o empresáriado e umha pequena casta de privilexiados (con uns salários de luxo e con umha noxenta exibición de poderio económico perante a veciñanza) senón todo o contrário, como un imposto obrigado que estas empresas teñen que pagar á comunidade pola sua presença e pola ingrata marca

tóxica que nos deixam. Faltava máis: Os benefícios han redundar sempre na maioria dos veciños/as e non numha minoria selecta. Xá bastante castigo é padecer a sua provada contaminación na nosa terra, para que ainda por cima se den estas situacións tan desiguais.

- Uso de Papel reciclado: Todos os documentos (actas, bandos, circulares, cartas,...), folletos, cartazes, etc. Emtidos desde concello serán impresos en papel reciclado livre de branqueamento por cloro.

- Elaborar un relatório de Impacto ambiental real de todas as actividades fabris existentes. Declaración da non Instalación de máis industrias agresivas co medio e as persoas. Queremos un Concello máis limpo e saudável. Ham-se identificar aqueles focos de poluición sonora, química,... do município. Exixiremos un eficaz controle da calidade das augas, do funcionamento dos sumidoiros e dos sistemas de eliminación de resíduos.

- Instauración dun Servizo de Lanchas e Barcos de Pasaxe Municipais non contaminantes (Circuítos Vila-Seixo-Barallobre-Ferrol).

- Novo Cálculo da Taxa de Rodaxe. Esta taxa dos veículos utilitários deverá ser calculada en función da potencia do motor do veículo e das suas emisons de dióxido de carbono e non da cilindrada do mesmo. Danse casos de carros de gasolina, con 120 CV e bastante poluidores pagaren menos que un diesel de menos CV e con menores emisons de dióxido.

- Construción de diques estancos para o pintado e arranxo de embarcacións.Naquelas cunetas do litoral onde hai aceso ao mar encontramos sempre restos da mancha tóxica humana. Nas cunetas de amarración hai sempre restos de óleos, vernizes e tintas do pintado, calefetaxe, arranxo,... de embarcacións. O Concello ten que tentar dispor de cunetas a modo de diques estancos onde os resíduos destes traballos podan ser recollidos e tratados. Como isto non é posível facelo extensível a todos estes locais, pois son inúmeros os pontos que dan ao mar, trata-se polo menos de construir estes diques ou cunetas de traballo para os mariñeiros/as, nos principais acesos ao mar, devendo-se obrigar a todos aqueles que teñan que facer calquer tipo de arranxo a deslocar-se ao dique máis cercano, axudando no transporte da embarcación se for preciso e posível.

- Alumeado Público: Alimentado por acumuladores solares e con lámpadas de baixo Consumo Neste senso, fará-se a substituición progresiva de todos os pontos de luz municipais: na Casa do Concello, as luzes na rua dos farois do alumiado, etc. todo con lámpadas de baixo consumo alimentadas con enerxia solar, etc O seu foco luminoso será orientado para a rua evitando sempre o exceso de consumo e de luz que provocan contaminación ambiental e lumínica. Reduzir e reordenar os pontos de luz pública. O gasto de diñeiro público que significa ruas iluminadas toda a noite é enorme. Terian que instalarse sistemas xa existentes con detectores de movimento que alumean as ruas e estradas co paso dun peon ou cando vai entrar un coche nesa rua.

- Proibición do Uso, Comercialización e Cultivo de Transxénicos.

- Proibición do Uso e Comercialización dos agro-tóxicos.

- Reforzaremos a instalación e utilización de w.c. caninos na vila e no Seixo. Nesta cuestión non chega con emitir un Bando, senón que pasa pola sensibilización e responsabilización dos donos dos animais. Facultaremos por toda a vila e no Seixo espazos e equipamentos para recolla de dexectos encontrando, paralelamente, formas de aplicar aos non cumpridores as multas xá existentes mais non utilizadas. É noxento pisar as minas nas ruas e nos espazos de lecer, alguns funcionando como depósito de excrementos caninos. Devem-se recoller todas as minas, no litoral urbano e tamén nas cunetas transitadas non urbanizadas e do rural.

- Recuperación do Servizo de Lanchas e Barcos de Pasaxe Municipais (Circuítos Vila-Seixo-Barallobre-Ferrol).

- Emisores eletro-magnéticos: antenas de telefonia móbil, de televisión e postes de alta-tensom: Bezoucos é un local onde as antenas de emisión eletro-magnética teñen umha presenza ben visível a partir de calquer lado: é só ollarmos pra Montefaro para o verificar. Apesar do caos informativo interesado que existe sobre a inocuidade ou perigosidade destas antenas eletro-magnéticas, temos que salientar que hai un denominador común que recomenda a sua instalación lonxe de cunetas sensíveis tais como escolas, lares de idosos, centros de saúde,... A saúde preventiva recomendada para estes casos depara-nos con que en Mugardos temos a sede da Telefónica e sua antena, xuntamente con o tendido elétrico rodeando o Centro de Saúde e a Escola no Apelón, e o que é totalmente intolerável. Temos tamén umha outra antena a menos de cinco metros do pátio da escola Loyola. Para estes casos o Concello deve tomar as medidas urxentes oportunas para retirá-las e-ou resituá-las lonxe de cunetas sensíveis, e canto aos tendidos elétricos destas cunetas, terán que estar obrigatoriamente soterrados. Para tal fin propomos o seguinte ponto.

- Soterramento de todas as liñas de alta tensión, a comezar por aquelas liñas que estean próximas de escolas, centros de saúde e outros locais nas que estexan crianzas e idosos (Biblioteca, Escolas, Mercado...). A seguir, progresivamente, iranse soterrando na vila, no centro histórico e nas cunetas máis povoadas, asi como se irá aproveitando cunetas nas que se efectuan obras de reparación ou instalación de gas, telefone, auga, ou onde houver reconstrución ou reabilitación de novas vivendas.

- Promovermos a Creación dumha Planta de Tratamento do Lixo Comarcal e Creación dumha Planta de Tratamento e Recuperación do Papel e Vidro Comarcal: A primeira idea teria como obxectivo recuperar o lixo orgánico para o seu aproveitamento nas hortas e viveiros comunitários que han ser criados e nas terras da veciñanza. Serian criados asi centros de compostaxe para agricultura biolóxica. Estas hortas biolóxicas servirian ademais para educación ambiental dos mais mozos, asi como estimular e recuperar a actividade agrícola como modo de vida sustentável.

As duas ideas son politicamente interesantes e precisas, e parten do coñecimento da inviabilidade de SOGAMA, que non serve para recuperar o cada vez máis contínuo crescimento da xeración de lixo en toda a Galiza. Trátase de camiñar cara un Mugardos con mínima pegada ecolóxica e ademais criarmos emprego que atenda realmente às necesidades da comunidade asente na comarca de Bezoucos. Apesar dos núcleos urbanizados do litoral, contamos tamén con cunetas eminentemente rurais na nosa comarca, polo que é posível reduzir o impacte ambiental da xeración do lixo dos mugardeses/as a nível zero, o problema é nas empresas de Ponta Promontoiro, que é imposíbel. Achamos que un proxecto comarcal (mancomunado con Ares e Fene e Cabanas) de reciclaxe e reutilización do vidro e do papel é factíbel, e ecoloxicamente positivo, a sua instalación deveria ser no Polígono de Vilar do Colo. Tamén é importante estudar a posibilidade da reciclaxe do plástico, pois esta matéria cuxa produción é a máis contaminante precisa solucións urxentes para o seu tratamento e recuperación sustentável.

1.2.5. Mobilidade

Creación dun órgao consultor participativo sobre mobilidade aberto a entidades ecoloxistas e populares en matéria de mobilidade co resto de concellos de Ferrolterra.

Reverter a xestión da rede de autocarros urbanos do privado para o público para garantir a sua calidade, mellorar a frecuéncia e incrementar o número de liñas, con percursos periféricos que liguen os lugares entre si e percursos radiais, que liguen os lugares e paróquias co centro. Reduzir o custo do transporte municipal para @s mozos, desempregad@s e xente maior. Os descontos actuais son insuficientes. Fai falta, pois, criar novos abonos que teñan conta do uso real do transporte público.

Criar un eixo central de carril bici con conesións radiais completas. Desenvolver campañas de sensibilización para o uso da bicicleta. Mellorar a seguranza e sinalización existente, asi seria conveniente a Creación de carris exclusivos de bicicleta e os separar das vias de tránsito dos automóveis, colocando beira-ruas ou mediante barreiras arquitetónicas para evitar acidentes.

Elaborar un plano de acesibilidade de Mugardos en defesa dos direitos das persoas con mobilidade reduzida interesadas en participar (discapacitad@s, persoas maiores, etc.).

1.2.6. Pesca, sector marisqueiro e agro

Apoio decidido ao mantemento da Pesca. Entre outras medidas apoiará-se a compra de barcos de pesca próprios, co Concello de Armador aval. Cumpre facilitar que nengun mariñeiro e nengun patrón teña necesidade de ir a outros portos. Todos os barcos de pesca do Concello deven amarrar, equipar-se, manter-se e cotizar en Mugardos.

Recuperar os recursos dos bancos marisqueiros, tan importantes noutro tempo, ten de ser outra das nosas prioridades.

É fundamental recuperar as terras ociosas e facelas rendíveis, criando postos de traballo dignos.

Potencializar a agricultura ecolóxica dedicando o Mercado Municipal ou unha parte significativa deste à venda de produtos ecolóxicos, e realizando un Mercado exclusivo de Agricultura Biolóxica e Produtos Ecolóxicos cada trés meses, axudando asi a Creación de novos hábitos alimentares e ambientais que contribuiran para umha vida máis saudável.

Declaración do município de Mugardos como área livre de transxénicos e protección do seu património biolóxico e cultural.